Iech bin der Gerhard, und iech bin seid 1981 midd’n Camber underwegs. In dera Dseid hommer scho a Haufn Karrn ghabd, bis mir am End ba unserm Morelo Loft, Baujohr 2016 gland sin. Gnumma hommer den, woll des Bedd so schee grouß is – des woar fei des Allerwichtigsde, woll mir vourher ah scho a baor Modelle ausbrobierd homm.
Mid meiner Frah lehm mir heid so um die nein Monadd im Joahr im Camber. Des is bragdisch unser Haubdwohnzimmer aff Räder. Am Morelo selber hommer ned fill gmachd, des is a ferdiggs Modell. Obber a boar Sachn hommer dann doch drohbaud: a Waschmaschina und gscheide Badderien (dej sin su gscheid dass braggdisch schdudierd hom), dass mer lang audarg schdenna kenna.
Am libsdn schdenna mir aff Cambingblädds. Dou bassd ah alles: Versorchung, Endsorchung, Schdrom, Wosser – des kerd fei dadsou. Und am libsdn foahn mir in Südn vo Europa innanei, dou is des Wedder schee und des Lehm ah logger.
A richdiche Gschichd woar amoll, wie ba unserm damalichn Frangia a Hund sei Gschäffd direggd an unsern Reifn gmachd hodd. Sein Besidser hommer dann su dsammgschdauchd, dass er nimmer an unserer Badsellen forbei ganga is. Suwos bleibd der fei hänga.
A Banne hommer ah scho ghabd: Bam Hymer hod uns a Lkw den Außenspiegl abgfoahrn und ah glei die Seidnscheim zerdebberd. Mir sin hald mid abglebder Scheim weidergfoahrn bis mer a Werkschdadd gfundn homm.
Wichdich is uns beim Cambm, dass ma Aonschdand und Reschbeggd hod. Mei Dibb für Neiling: Halds eich an die Regeln, schüdds ka Grauwasser in die Nadur, werfd kann Müll rum und endlerds eier Glo ned einfach su. Dess gherd si fei einfach ned!
Und: a Bier derf ba uns ah nie fehln. Unser Moddo is: „Kumm iech heid ned, kumm iech morgn.“ – des bassd zu unserer Lebenseinschdellung wie d Fausd affs Auch. Und woss uns fei amisierd: seid mir middn Morelo underwegs sin, grüßd uns fasd kanner mehr. Fill Camber meidn uns, blouß woll dej des Wohnmobil ned abkenna. Mir find’s lusdich – am End kummd’s doch aff di Menschn drauf oh und ned affs Wohnmobil.
A Hand voll Eindrückla aus unserm Lehm:
Mei Frängischer-Gschmarri Cambingblogg in Youtube:
>> zum Kanal
